(TBA)

Valon Sopi
Dizajner në boldUnderline. llc.

A nuk ëndërojmë të gjithë për klientë të pajtueshëm dhe projekte të sukssesshme? — Në këtë prezantim 20 minutësh, Valoni do t'i ndajë praktikat kryesore nga eksperienca e tij rreth mirëvajtjes së projketit të dizajnit si rrjedhojë e biznesit të mirë dhe hapave specifik në udhëheqjen e marëdhënies afariste me klientin.

Valon Sopi është dizajner grafik i specializuar në projektet për web. Udhëheqës kreativ në boldUnderline. llc, Valoni krijon zgjidhje strategjike për klientët në industritë e ndryshme në Kosovë. I diplomuar nga Montclair State University School of Art & Design në drejtimin e Dizajnit Grafik, Valoni ka punuar për kompanitë si NBA, Oxfam America, dhe New York Film Academy gjatë qëndrimit të tij 9 vjeqar në Shtetet e Bashkuara. Në Kosovë i udhëheqë projektet si konsulues dhe ekzekutues kreativ në boldUnderline. llc për — Ipko Foundation, Kosova Airlines, Lëvizja FOL, INPO, IPOL, Klinika Gjermane e Syrit, dhe klientë të tjerë në sektorin privat dhe atë publik. Poashtu, avokimi i dizajnit të mirë dhe biznesit të dizajnit janë parimet kryesore në punën e tij ditore.

Vasjen Katro
Katrology.com

Aplikacionet në Web kanë evolvuar me kohën dhe Web 2.0 është bërë një nga standartet që çdo aplikacion online duhet të ndjekë. Mënyra se si këto aplikacione dizajnohen dhe se si strukturohen është një teori në vete. Përdoruesit e internetit jo gjithnjë përfshihen në një grup të caktuar, për këtë arsye përdorshmëria e aplikacioneve në web gjithmonë e më shumë bëhet me komplekse. Dizenjimi i faqeve të internetit nuk është thjesht diçka vizuale por evolvon në studimin e përdoruesve dhe përshtatjen e opsioneve. Vasjeni do tu tregojë se si ana praktike, estetike dhe vizuale ndërthuren për të krijuar një produkt final të suksesshëm.

Vasjen Katro është Graphic dhe Web Designer. Lindur dhe rritur në Korçe, ai ka kryer studimet e larta në Universitetin e Central Lancashire për Shkenca Kompjuterike dhe Multimedia. Ai është themeluesi i disa projekteve si: Katrology.com, Frymezohu.com, Woorkit.net, 60designs.com. Vasjeni ka punuar si Lead Designer për shumë kompani si RocketTheme.com ku ka qenë Krye Designer dhe eksperienca e tij në Web Design dhe Graphic Design ka evolvuar me kohën. Ai është gjithmonë në kërkim të sfidave të reja dhe i etur për të mësuar dhe eksperimentuar me çdo gjë që ka lidhje me Dizajnin, Artin dhe Teknologjinë.

Albian Gagica
INIT

Përshkrim më shumë se kronologjik i evolucionit të 'party design' në Kosovë, prej afisheve primitive të paslufte e deri te fenomeni i stëreksploatimit të imazheve vizuele për komunikim të thjeshtë dhe efikas me 'clubber-in kosovar'. Prezentimi përfshinë shembuj të ndryshëm nga dekada e kaluar dhe shpreson të shërbejë si referencë për dizajnerë dhe pjesëmarrës të kësaj skene shoqërore.

Albian Gagica është drejtor kreativ në agjencinë e komunikimit INIT, www.init.tv. Me përvojë shumëvjeçare në fushata të ndryshme mediale në Kosovë dhe jashtë, Gagica (sikur e njohin shumica) mëton avansimin e artit vizuel në shërbim të ndryshimeve shoqërore. Pjesmarrës i ekspozitave vizuele vendore dhe ndërkombëtare, si dhe VJ artist i pasionuar.

Yll Rugova
Trembelat

Tipografia dhe dizajni janë koncepte jo dhe aq qartësisht të definuara. Duket se fati i të dyjave është më i lidhur se që mund ta merrni me mend. Në ligjeratën e ndarë në dy pjesë Yll Rugova do të flasë nga një perspektivë semiologjike për hapat prej gjuhës drejt dizajnit (përmes tipografisë). Kurse në pjesën e dytë, përmesë një historiku të shkurtër të dizajnit të shkronjave shqip, do të tregojë eksperiencët e tij në këtë fushë.

Yll Rugova është tipografist dhe dizajner informatash duke specializuar në dizajn për publikime/gazeta dhe tipografi. Posedon Master nga Universiteti i Prishtinës në departmentin e Dizajnit Grafik. Puna e Yllit mund të shifet në gazeta të ndryshme në Kosovë dhe Shqipëri. Në vitin 2005, sëbashku me dy dizajnerë dhe ilustratorë të tjerë, ai themeloi kompaninë e dizajnit - Trembelat. Televizioni digjital, Kujtesa, përdor fontin Thelbi për grafikat televizive — font ky i dizajnuar nga Ylli në 2010. Momentalisht ai është duke u përgaditur për temën e Doktoraturës në dizajn.

Jeton Morina
Ogilvy Albania

Ne krijojmë për të zgjidhur problemet, por në shumicën e rasteve ne vetëm krijojmë dhe problemi nuk zgjidhet. Në këtë prezantim Jetoni do të flasë për rëndësinë që ka strategjija e krijimt!

Karieren e tij në Advertising e ka filluar në DDB New Zealand — si Junior Art Director dhe pastaj ka punuar në disa agjenci të tjera në Zelandë të Re përpara se të kthehet në Kosovë ku punoi në Ogilvy Kosova, dhe pastaj në Ogilvy Albania si Drejtor Kreativ. Gjatë këtyre viteve Jetoni ka fituar disa çmime internacionale në advertising.

Flakërim Ismani
Themelues i Urbanway, llc.

E ardhmja është në Re. Koha e aplikacioneve desktop ka ikur dhe ajo është zëvendësuar me aplikacione të bazuara në web, ku qasja është e mundur nga çdo platformë apo pajisje. Komunikimi është bërë shumë i thjeshtë dhe praktik. Rrjetet shoqërore kanë evoluar dhe informacioni është në kohë reale. Flakërimi do tu tregoj praktikat më të mira për të shfrytëzuar gjithë këto të reja në teknologji.

Flakërim Ismani është themelues i Urbanway llc. në Prishtinë/Tiranë. Dizajner dhe zhvillues aplikacionesh me bazë webi, kryesisht në UI dhe UX. Implementues i teknologjive të reja në projekte të ndryshme web dhe mobile. Ka punuar për brende të ndryshme ndërkombëtare si Sony, Warner Bross, Metro, DB, Garnier etc. Fitues i shume çmimeve ndërkombëtare për webfaqe të ndryshme. Ai vazhdon të jetë pionier i teknologjive të reja si HTML5.

Fisnik Ismaili
Ogilvy Kosova

Sa herë të ka ardhë me thanë diçka ose me bërtitë shumë, prej gëzimi apo hidhënimi, por nuk të kanë dëgjue boll njerëz? Fisniku gjatë prezentimit të tij do të flasë për dizajnin dhe komunikimin social, nga i cili nuk fiton doemosdoshmërisht para, por nëpërmjet tij prek çështje sociale apo momente historike, të cilat lënë gjurmë te ata që e përjetojnë, dhe madje e ndikon audiencën për të vepruar apo për t'u ndjerë në mënyrë të caktuar.

Fisnik Ismaili është themelues i agjencive publicitare Ogilvy | Karrota në Prishtinë dhe Tiranë, tani drejtor kreativ i asaj në Kosovë. I diplomuar me gjeneratën e parë në Multimedia në Britani të Madhe më 1998, Fisniku ka bagazh prej më shumë se 15 vjet pune, duke prekur fushat e ndryshme kreative, si komerciale ashtu edhe sociale, në web, dizajn grafik, ilustrime, video dhe animacion. Njohës i mirë i procesit krijues, ekzekutimit edhe shtytjes së produktit nëpërmjet kanaleve tradicionale dhe atyre inovative.

Ka shërbyer për klientë me renome botërore si në Londër, ashtu edhe në rajon, duke përfshirë Apple Europe, Channel 4, Barclay's Bank, Raiffeisen Bank, Banka Credins, PTK, Albtelecom, Vala, AMC, Z mobile, British Airways, Lufthansa dhe shumë të tjerë.

Më së miri njihet si njeriu prapa monumentit NEWBORN, duke e udhëhequr ekipin me të cilin fitoi 6 çmime ndërkombëtare, përfshi edhe Luanin e Artë në Cannes, Francë, që njihet si çmimi më prestigjoz në botë në fushën e dizajnit. Poashtu njihet si autori i satirës politike, parodisë "The Pimpsons", që tash disa muaj bën jehonë nëpër mediat sociale.

Së fundmi, Fisniku është futur në rrjedhat politike, fillimisht me Partinë FER dhe tani në Lëvizjen Vetëvendosje, ku vazhdon t'i ushtrojë aktivitetet kreative si pjesë e opozitës.

Bes Bujupi
AMAZE, UK

Besi do te flas për kreativitetin në internet dhe mënyrën e lidhjes së audiencave online duke e ngritur vlerën e brendeve për konsumuesin që bashkvepron me ato. Ai poashtu do të ndajë eksperiencën the bashkpuninim e tij me të tjerët.

Puna e Besit shtrihet prej interaktivës në animacion. Ai ka punuar me brende internacionale si Lexus Automotive, SEAT, SeaWorld Parks, MediaCityUk, Berghaus, and BBC.

Kushtrim Xhakli
Changers.com

Hapësirat kolaboruese: Rëndësia e reputacionit, prezences dhe ndryshimit të punës

Jetojmë në një botë ku ndryshimet e reja eksponenciale janë bërë shumë normale. Strukturat e reja po sfidohen nga ato me të rejat, që po e ndryshojnë mënyrën se si po i shpërndajme resurset. Vetë bota ka burime të kufizuara dhe është interesant te shihet se sa pak kapacitet kemi për momentin ti mbulojmë ato, kjo nuk vlen vetëm për resurset natyrate po direkt aplikohet edhe tek ambientet e punës tek njohuritë e reja, prezencat dhe aftësitë. Kushtrimi do të hyn më thellë duke definuar rolin e shtresave sociale që kanë efekt më të madh për ndryshimin e punës dhe arritjen e caqeve të reputacionit. Tema do të prek konceptin e krijimit të një rrjeti të besueshëm që na sfidon të mendojmë për mënyren se si strukturimet e reja përfundimisht e kanë efektin e plotë.

Kushtrim Xhakli është një ndërmarrës serik dhe praktikues aktiv i internetit. Në dekadën e fundit ai ka nisur kompani prej zeros dhe ka arritur që të sjellë një bashkësi të teknologjive të reja në ambiente sfiduese. Më parë ai ka lansuar portalin edukativ për mësim elektronik trajnimi.com, duke iu ofruar qasje të lirë në edukim me qëllim që të thyej barrierat ekzistuese, per kete është shpëlqyer me çmimin “Best Practice Award” dhe portali është bërë një vegël publike kombëtare edukative. Ai eshte themelues i Fast E Ventures kompani telekomunikimi ne shtetet Baltike, ndersa tash udhëheq komunikimin me media digjitale pranë kompanisë Changers.com në Berlin të Gjermanisë. Ligjerues i rregullt i konferencave europiane ne industrine e internetit.

Tryeza e rumbullakët
Ndryshimet dinamike në treg kërkojnë adaptime serioze të akademisë. Në këtë forum të hapur me të pranishmit, profesionistët aktiv do të shqyrtojnë temat aktuale të profesionit — si në aspektin akademik por edhe atë komercial.